Freyssinet Maqedonia e Veriut

Freyssinet ka në dispozicion një sistem të çertifikuar paranderjeje, të destinuar për aplikime të ndryshme të paranderjeve të brendshme dhe të jashtme, si ato infrastrukturore, ashtu edhe industriale, rezidenciale dhe të llojeve të tjera të ndërtesave. Për të garantuar shërbim cilësor për klientët e saj në mbarë botën, gamën e produkteve të paranderjes Freyssinet e prodhon në divizionin e saj industrial, Freyssinet Products Company (FPC), dhe menaxhon plotësisht prodhimin, servisimin dhe menaxhimin e pajisjeve për ekzekutimin e punimeve. Njëkohësisht, në përputhje me kërkesat ndërkombëtare për sigurimin e cilësisë së punimeve të paranderjes, Freyssinet ka në dispozicion akademinë e saj të paranderjes dhe kryen trajnime të rregullta dhe të vazhdueshme të punonjësve të saj. Freyssinet vazhdimisht investon në përmirësimin e produkteve dhe teknologjive dhe gjithashtu ka në dispozicion qendrën e vet të testimit dhe laboratorin e testimit. 

Freyssinet është një nga liderët botërorë në fushën e menaxhimit të kabllove, me më shumë se 400 struktura të ndërtuara në mbarë botën. Në këtë teknologji, e cila është zhvilluar që në vitet 70 të shekullit të kaluar, produktet Freyssinet përfaqësojnë një pikë referimi për qëndrueshmërinë dhe sigurinë e ndërtimeve, nëpërmjet:  

– rezistencës ndaj lodhjes 

– shkallës së lartë të mbrojtjes nga korrozioni nëpërmjet shpikjes së saj të litarëve plotësisht të mbështjellë dhe të mbrojtur individualisht 

– kontrollit dhe monitorimit të lehtë 

– mirëmbajtjes së lehtë 

Në gamën e saj, Freyssinet ofron materiale dhe zgjidhje për struktura të lehta si dhe për struktura me shtrirje të mëdha, nëpërmjet ankorimit të kabllove në të dy skajet ose nëpërmjet kabllove të vazhdueshme të drejtuara përmes shalave me shumë kanale, me një shkallë jashtëzakonisht të lartë të koeficientit të fërkimit, duke garantuar zbatimin e standardeve më të larta për sigurinë dhe qëndrueshmërinë. 

Кabllot Freyssinet vazhdimisht përmirësohen për të siguruar rezistencë më të mirë ndaj lodhjes dhe qëndrueshmëri më të madhe, por në të njëjtën kohë për të përdorur vetitë e kësaj kablloje edhe për përdorime të tjera. 

Kështu u zhvillua kablloja Cohestrand® për të përmbushur nevojat e strukturave të varura, ku ngarkesat transferohen në kabllot e varura me anë të shtrenguesve dhe varëseve. Por Cohestrand® ka gjetur një fushë të re aplikimi në çatitë e varura të stadiumeve, ku u ofron arkitektëve struktura unike fleksibël dhe të lehta, me një jetëgjatësi prej 100 vjetësh. Duke prodhuar produktet e saj në mënyrë të pavarur, Freyssinet siguron nivelin më të lartë të cilësisë dhe kontrollit të materialeve paranderëse, dhe gjithashtu ofron një qasje proaktive në monitorimin dhe mirëmbajtjen e strukturave gjatë funksionimit. Materialet, në varësi të aplikimit, posedojnë vërtetimet, certifikatat dhe shënimet përkatëse. 

Kompania ka njohuri dhe ekspertizë të jashtëzakonshme në ndërtimin e ndërtesave me interes publik, duke realizuar projekte të shumta të suksesshme në mbarë botën. Paranderja shtesë, e cila për shumë vite është përdorur në strukturat, po bëhet gjithnjë e më e përhapur në inxhinierinë civile. Një numër në rritje i arkitektëve dhe planifikuesve i kuptojnë avantazhet e tyre dhe i përdorin për ndërtimin e ndërtesave. Tendencat bashkëkohore në arkitekturë, duke reflektuar jetën moderne, favorizojnë sipërfaqe të mëdha dyshemeje të pandërprera, dizajn të brendshëm fleksibël dhe hapësira modulare, me tendencë të rritjes së nivelit të qëndrueshmërisë së ndërtesës. Këto kërkesa të shumëfishta mund të plotësohen me përdorimin e paranderjes, e cila lejon ndërtimin e sipërfaqeve të mëdha të pandërprera, me një numër minimal të shtyllave dhe trashësi të reduktuar të tavaneve. Fleksibiliteti i ndërtimit – me ndihmën e pajisjeve të lehta – dhe karakteristikat mekanike të sistemit Freyssinet, u ofrojnë arkitektëve, projektuesve dhe investitorëve, një zgjidhje ekonomike për projektimin e strukturave të ndërmjetme dhe tarracave në një shumëllojshmëri të gjerë ndërtesash, si: 

– rtesa biznesi ose banimi;
– garazhe nëntokësore ose në kate;
– spitale;
– shkolla;
– qendra tregtare;
– objekte industriale;
– objekte sportive;
– konstruksione speciale (basenet për separacion të materialeve, rezervuarë depozitimi, etj.) 

Freyssinet ofron një gamë të plotë kushinetash të dizajnuara për t’iu përgjigjur suksesshëm kufizimeve të funksionimit të çdo strukture, duke përmbushur të gjitha standardet ndërkombëtare.
Përveç si lidhje midis shtyllave dhe pllakave të sipërme të urave, kushinetat Freyssinet mund të përdoren edhe në lloje të tjera strukturash, si stadiume, tubacione, ndërtesa. Të gjithë kushinetat Freyssinet kalojnë kontrolle rigoroze të brendshme dhe të jashtme në të gjitha fazat e prodhimit, duke siguruar kontinuitet të shënjimit CE në të gjitha produktet Freyssinet. Ekipi projektues i Freyssinet ofron zgjidhjet më optimale për çdo lloj konstruksioni, sipas nevojave të parashikuara, si dhe standardeve të kërkuara. Kompania gjithashtu është e specializuar në inspektimin dhe mirëmbajtjen/zëvendësimin e kushinetave. 

Kushinetat elastomerike absorbojnë ngarkesa të moderuara duke lejuar lëvizje të konsiderueshme rrotulluese. Freyssinet ofron kushineta prej gome natyrale dhe sintetike për të përmbushur standarde të ndryshme kombëtare dhe ndërkombëtare (EN, BS, AASHTO, DIN,..). Cilësia e prodhimit të këtyre kushinetave garantohet nëpërmjet formulave adekuate, kontrollit të përzierjeve dhe të trajtimit sipërfaqësor të çelikut, si dhe nëpërmjet procedurave të prodhimit dhe modelimit. Në të gjitha fazat e prodhimit kryhen inspektime rigoroze të brendshme dhe të jashtme, duke siguruar kontinuitet të shënjimit CE në produktet Freyssinet. 

Freyssinet posedon gamën e saj të kushinetave kupe dhe sferikë, kushineta TETRON®. Kushinetat kupe Freyssinet karakterizohen me përmasat e tyre të moderuara, të punuara sipas projektit, përshtatjen edhe me standardet e ndryshme, çmimin e përshtatshëm, shumëllojshmërinë e përdorimit (p.sh. si sistem kundër rrëshqitjes ose ngritjes). Të gjitha pjesët e tyre, duke përfshirë edhe nënshtresën për lëvizje PTFE, kanë shenjën CE. Kushinetat sferike Freyssinet karakterizohen me përdorimin e një materiali të ri si një nënshtresë për lëvizje në vend të PTFE të pastër, materiali ISOGLIDE® i cili në shumë raste lejon zvogëlim të dimensioneve të kushinetave, me koeficient fërkimi <2% në një interval të moderuar të temperaturës dhe një koeficient fërkimi <3,5% në temperatura shumë të ulëta dhe jetëgjatësi 5 herë më të gjatë sesa PTFE, me rezistencë të veçantë ndaj temperaturave të ulëta, gjë që zgjat ndjeshëm jetën e kushinetës. Kushinetat janë të përshtatura me të gjitha standardet kombëtare dhe ndërkombëtare dhe kanë shenjën CE. Kushinetat speciale përdoren për të marrë vetëm forca horizontale, kushineta osciluese, etj.   

Fugat e dilatacionit Freyssinet janë projektuar për të lejuar trafik të vazhdueshëm midis dy strukturave duke akomoduar të gjitha llojet e lëvizjeve në strukturat që ndodhin për shkak të rrjedhjes, tkurrjes, ndryshimeve të temperaturës dhe deformimeve në kushtet e përdorimit. Për faktin se fugat e dilatacionit janë padyshim elementet që janë nën presionin më të madh në konstruksionin e ndërtesës, si ekspert në pajisjet e ndërtimit, kompania Freyssinet zhvillon produkte që do të përmbushin me sukses kantieret specifike të ndërtimit dhe kushtet klimatike, si dhe kushtet specifike të punës. 

Freyssinet ofron një gamë gjithëpërfshirëse të fugave të dilatacionit me zhvendosje të vogël dhe të madhe, të asfaltit, metalike, elastomerike dhe modulare për rrugë dhe hekurudha. 

Si një nga pionierët në zhvillimin e pajisjeve të mbrojtjes sizmike, Freyssinet ofron një program të plotë të produkteve dhe shërbimeve përkatëse për mbrojtjen sizmike, të njohura me emrin ISOSISM®. Këto produkte përdoren gjerësisht në ndërtesat e reja, rehabilitimin e ndërtesave ekzistuese, rehabilitimin e ndërtesave pas një tërmeti, në lloje të ndryshme ndërtesash si ura dhe viadukte, impiante industriale dhe energjetike, ndërtesa me vlerë kulturore, spitale, shkolla,… Zgjidhjet, të cilat janë të punuara sipas nevojave të çdo projekti, mundësojnë gjithashtu kursime fillestare prej 15% gjatë ndërtimit, si dhe ulje të kostove për rehabilitimin pas një tërmeti. Përdorimi i pajisjeve të mbrojtjes nga tërmeti lejon lehtësim të konsiderueshëm të strukturave të sipërme dhe të poshtme. Kushinetat janë të rregullueshme sipas të gjitha standardeve kombëtare dhe ndërkombëtare dhe kanë shenjën CE. 

Teknologjia origjinale e tokës së armuar 

Strukturat e përforcuara Earth® kombinojnë mbushje granulare të zgjedhura dhe të kontrolluara me shirita çeliku ose gjeosintetikë të paranderur dhe një sistem veshjeje modulare, i përbërë përgjithësisht nga panele betoni të parafabrikuara, rrjetë çeliku të salduar ose panele çeliku gjysmë eliptike. Ky kombinim ideal krijon një ndërtim të qëndrueshëm ndaj gravitetit. Kjo teknologji mund të rregullohet për t’iu përshtatur mureve mbajtëse me lartësi të ndryshme dhe mund të përballojë, si peshën e vet të madhe, ashtu edhe ngarkesa lëvizëse nga strukturat e bashkangjitura, automjetet ose pajisjet e tjera. Duke ndërtuar mure të qëndrueshme që mund të mbajnë ngarkesa të mëdha me lakime të vogla, Reinforced Earth® mund të shtrihet edhe deri në shtyllat e fundit, si mbështetje e drejtpërdrejtë e strukturës së sipërme të urave. Falë fleksibilitetit të teknologjisë Reinforced Earth®, shtyllat fundore të urave mund të ndërtohen gjithashtu në tokë me rezistencë të ulët, përgjithësisht pa nevojën për themele të thella. Reinforced Earth® krenohet me avantazhe të shumta të këtij lloji të konstruksioneve. Kolonat fundore të integruara Reinforced Earth® eliminojnë ose zvogëlojnë nevojën për kushineta dhe dilatime, duke ulur ndjeshëm kostot e funksionimit dhe mirëmbajtjes. Në shumë ura, pjesa qendrore e urës mund të mbështetet drejtpërdrejt në shtyllën fundore të tokës së armuar, gjë që eliminon nevojën për shtylla në ujë dhe shufra për të mbështetur pjesën qendrore të urës. Që nga fillimi i aplikimit të shpikjes Reinforced Earth®, ajo është përdorur në ndërtimin e strukturave të rrugëve, autostradave dhe shtyllave fundore, në kushtet e gërmimeve nëpër terrene të parrafshë, dhe në punë në kushte të tokës së dobët ose shkëmbore dhe shpateve të paqëndrueshme. Reinforced Earth® përdoret gjithashtu për qëllime të tjera në konstruksionet e rrugëve: 

– Rampat e hyrjes për viaduktet dhe urat
– Ndërkëmbime komplekse me shumë nivele
– Ndërtime në terrene të parrafshë
– Gjatë zgjerimin e rrugëve 

Strukturat e vjetra krijojnë një nevojë në rritje për rinovim, të përforcuar nga kërkesat gjithnjë e më të rrepta për sigurinë dhe qëndrueshmërinë. Për shkak të këtyre nevojave në industrinë e ndërtimit, Freyssinet ka zhvilluar ekspertizë dhe njohuri praktike në rehabilitimin strukturor përmes zgjidhjeve moderne brenda markës Foreva®. Me sistemin Foreva®, kompania Freyssinet garanton punë cilësore dhe qëndrueshmëri të sanacioneve si pjesë e shërbimit “çelës në dorë”. Me ndihmën e departamentit të saj teknik të përbërë nga inxhinierë civilë dhe kimikë, ekspertë materialesh, Freyssinet praktikon një politikë proaktive për zhvillimin e zgjidhjeve dhe produkteve për sanacion, të konfirmuar përmes testeve laboratorike dhe informacioneve të marrë nga përvoja në terren. Qoftë betoni, metali, tulla apo druri, një ndërtesë jeton, vjetërohet dhe pëson ndryshime me kalimin e kohës. Kompania Freyssinet u ofron klientëve të saj zgjidhje të provuara për riparimin, mbrojtjen dhe forcimin e këtyre strukturave, nëpërmjet: 

– metodat dhe teknologjitë e mirëmbajtjes dhe riparimit
– metodat dhe teknologjitë për forcimin e konstruksioneve
– metodat dhe teknologjitë për mbrojtje
– metodat dhe teknologjitë për forcimin kompozit 

 Freyssinet ofron një zgjidhje të plotë që përfshin projektimin, dimensionimin, materialet nga programi Foreva® dhe instalimin e tyre. 

Mbështetur nga përvoja e gjatë në ofrimin e kabllove të varura për një gamë të gjerë strukturash të reja, Freyssinet ka zhvilluar një gamë të plotë zgjidhjesh dhe shërbimesh teknike për mirëmbajtjen dhe riparimin e të gjitha llojeve të kabllove të varura dhe sistemeve të kabllove të pezulluara. 

Qëllimi është rivendosja e forcës fillestare të strukturës, për të kompensuar mungesën e forcës për shkak të defekteve fillestare ose për të rivendosur kapacitetin e saj fillestar të ngarkesës, veçanërisht kur struktura është dëmtuar nga tensionimi i tepërt ose aksidental gjatë përdorimit të tij. 

Ne kryejmë punë të specializuara mirëmbajtjeje për të zgjatur jetën e tendinave të paranderur, si dhe riparime emergjente për të garantuar sigurinë e strukturave pas dëmtitit të kabllove ose kur kapaciteti i mbetur i ngarkimit është i pasigurt.