Freyssinet Северна Македонија

Freyssinet поседува сертифициран систем за преднапрегање, наменет за различни примени на внатрешно и надворешно преднапрегање, како на инфраструктурни, така и на индустриски, стамбени и други видови на објекти. Со цел да гарантира квалитетна услуга за своите клиенти на светско ниво, Freyssinet ги произведува гамите на производи за преднапрегање во својот индустриски оддел, Freyssinet Products Company (FPC), и целосно управува со производството, сервисирањето и управувањето со опремата за изведување на работите.  

Воедно, согласно меѓународните барања за обезбедување на квалитет на изведувањето на работите на преднапрегање, Freyssinet поседува своја академија за преднапрегање и врши редовна и континуирана обука на своите вработени. Freyssinet континуирано работи и на подобрување на призводите и технолгиите, а  воедно и поседува сопствен  центар за тестирање и лабораторија за испитување. 

Freyssinet е едне од светските лидер во областа на мостовите со коси затеги, со изведени на над 400 структури во светски рамки. 

Во оваа технологија, која се развива уште од 70-тите години на минатиот век, производите на Freyssinet претставуваат репер за трајност и безбедност на објектите, преку: 

– отпорност на замор
– висок степен на заштита од корозија преку својот изум на поединечно заштитени, целосно обвиткани јажиња
– лесна контрола и мониторинг
– лесно одржување 

Во својата гама, Freyssinet нуди матријали и решенија за лесни конструкции, како и за конструкции со големи распони, преку анкерување на двата краеви на каблите или преку континуирани кабли водени низ седла со повеќе канали, со исклучиво висок степен на коефициент на триење, со што обезбедуваат примена на највисоките стандради за безбедност и трајност. 

Косите кали на Freyssinet константно се подобруваат со цел да се обезбеди подобра отпорност на замор и поголема издржливост, но истовремено и за да се пренесат придобивките од овој кабел во други намени.Така е развиен кабелот Cohestrand® за да ги задоволи потребите на висечките конструкции, каде што товарите се пренесуваат на висечките кабли со помош на затеги и закачалки. Но, Cohestrand® најде ново поле на примена во висечките покриви на стадионите, каде што им нуди на архитектите уникатно флексибилни и лесни конструкции, со животен век од 100 години. Произведувајќи ги своите производи самостојно, Freyssinet обезбедува највиск степен на квалитет и контрола на материјалите за преднапрегање, а воедно нуди и про-активен пристап во мониторирањето и одржувањето на конструкците во текот на експлоатацијата. Материјалите, во зависнот од примената, ги поседуваат соодветните атести, сертификати и ознаки. 

Компанијата има исклучително знаење и експертиза за изградба на објекти од јавен интерес, со реализирани бројни успешни проекти ширум светот. Накнадното напрегањето, кое многу години вообичаено се користи во конструкциите, станува се повеќе распространето во високоградбата. Сè поголем број архитекти и проектанти ги согледуваат неговите предности и го користат за изградба на згради. Современите трендови во архитектурата, како одраз на модерниот живот, им даваат предност на големи непрекинати подни површини, флексибилен внатрешен дизајн и модуларни простори, истовремено очекувајќи значително подобрување на издржливоста на зградите. Овие повеќекратни барања можат да се задоволат со помош на напрегање, кое  овозможува постигнување на  големи непрекинати површини, со минимален број на столбови и намалена дебелина на таваниците. Флексибилноста наво изведувањето – со помош на лесна опрема – и механичките карактеристики на системот Freyssinet, им нудат на архитектите, проектантите и инвеститорите, економично решение за проектирање на меѓукатни конструкции и тераси во широк спектар на објекти, како: 

– деловни или станбени згради;
– подземни или катни гаражи;
– болници;
– училишта;
– трговски центри;
– индустриски објекти;
– спортски објекти;
– специјални конструкции (басени за наталожување, резервоари за складирање, и слично) 

Freyssinet нуди комплетен асортиман на лежишта дизајнирани за успешно да одговорат на работните ограничувања на секоја структура, исполнувајќи ги сите меѓународни стандради. Освена како врска помеѓу столбовите и горните плочи на мостовите, лежиштата на Freyssinet може да се користат и на други видови на објекти, како што се стадиони, цевководи, згради. Сите лежишта на Freyssinet подлежат на ригорозни внатрешни и надворешни контроли во сите фази на производство, со што се обезбедува континуитет на СЕ ознаката на сите производите на Freyssinet. Проектантскиот тим на Freyssinet нуди најоптимални решенија за секој тип на конструкции, согласно прокетираните потреби, како и бараните стандарди. Исто така, компанијата е специјализирана за инспекција и одржување/замена на лежишта. 

Еластомерните лежишта апсорбираат умерени оптоварувања, при тоа овозможувајќи значително ротационо движење. Freyssinet нуди лежишта од природна и синтетичка гума, за да ги исполни различните национални и меѓународни стандарди (EN, BS, AASHTO, DIN,..).Квалитетот на производството на овие лежишта се гарантира преку соодветни формули, контрола на смесите и на површинската обработка на челикот, како и преку процедурите за производство и моделирање. Ригорозни внатрешни и надворешни инспекции се вршат во сите фази на производство, со што се обезбедува континуитет на СЕ ознака на производите на Freyssinet. 

Freyssinet поседува своја гама на лончести и сферични лежишта, TETRON® лежишта. Лончестите лежишта на Freyssinet се карактеризираат со умерени големини, изработка по мерка на проектот, прилагодливост кон различните стандарди, економичност, различност на намените (на пр. како систем против прилизгување или подигнување). Сите нивни делови, вклучително и PTFE подлогата за движење, поседуваат СЕ ознака.  Сферичните лежишта на Freyssinet се карактеризираат со употребата на нов материјал како подлога за движење наместо чист PTFE, а тоа е ISOGLIDE® материјалот кој во голем број на случаи овозможува намалување на димензиите на лежиштето, коефициент на триење <2% во умерен температурен опсег и коефициент на триење <3,5% на многу ниски температури и 5 пати поголема трајност од PTFE, со особена трајност на ниски температури, што значително го продолжува животниот век на лежиштето. Лежиштата се прилагодливи на сите национални и меѓународни стандарди и поседуваат СЕ ознака. Специјални лежишта кои се користат за примање само на хоризонталните сили, осцилаторни лежишта и слично. 

Дилатациони спојници на Freyssinet се дизајнирани да овозможат континуиран сообраќај помеѓу две конструкции со приспособување на сите видови движења во структурите што се јавуваат поради течење, собирање, температурни промени и деформации во услови на експлоатација. Поради тоа што дилатационата спокница е несомнено елементот кој е под најголем притисок во градежната конструкција. Како експерт за опрема за конструкции, компанијата Freyssinet развива производи кои успешно ќе ги задоволат специфичните градилишта и климатски услови, како и специфичните работни услови. Freyssinet нуди сеопфатен асортиман на дилатациони спојници со мали и големи поместување, асфалтни, метални, еластомерни и модуларни, за патишта и железници. 

Како еден од пионерите во развојот на опрема за сеизмичка заштита, Freyssinet нуди комплетна програма на производи и со нив поврзани услуги за сеизмичка заштита, добро позната под името  ISOSISM®. Овие производи имаат широка примена во нови објекти, рехабилитација на постоечки објекти, санација на објекти по земјотрес, во различни типови на објекти како што се мостови и вијадукти, индустриски и енергетски постројки, објекти од културно значење, болницим училишта,… 

Решенијата, кои се работат “по мерка“ на секој проект, исто така овозможуваат почетни заштеди од 15% при изградба, како и намалени трошоци за санација по земјотрес. Примената на опремата за заштита од земјотреси овозможува значително олеснување на горниот и долниот строј на конструкциите. Лежиштата се прилагодливи на сите национални и меѓународни стандарди и поседуваат СЕ ознака. 

Оригиналната технологија на армирана земја 

Reinforced Earth® структурите комбинираат избрани и контролирани грануларни полнења со челични или геосинтетички преднапрегнати ленти и модуларен систем за обложување, генерално составен од префабрикувани бетноски панели, заварени челични мрежи или полуелиптични челични панели. Оваа идеална комбинација создава долготрајна гравитациска конструција. Оваа технологија може да се прилагоди за да одговара на потпорни ѕидови со различни висини, а може да издржи и големи сопствени товари и подвижни товари од поврзани структури, возила или друга опрема.Со изградбата на стабилни ѕидови кои можат да носат големи товари со мали слегнувања, Reinforced Earth® може да се прошири и на крајните столбови, како директна потпора на горниот строј на мостовите. 

Благодарение на флексибилноста на технологијата Reinforced Earth®, крајните столбовите на мостовите можат да се изведат и на слабо носива почва, генерално без потреба од длабоки темели. Reinforced Earth® може да се пофали со бројни предности во однос на овој тип на конструкции. Reinforced Earth® интегрирани лрајни столбови ја елиминираат или намалуваат потребата од лежишта и дилатациони спојници, значително намалувајќи ги оперативните трошоци и трошоците за одржување. Кај голем број на мостови, централниот дел на мостот може директно да биде потпрен на крајниот столб на армирана земја, што ја елиминира потребата од столбови во вода и шипови за потпирање на централниот дел на мостот. Уште од самиот почеток на примена на изумот Reinforced Earth®, истиот се користи во изградбата на коловозни конструкции, автопати и крајни столбови, во услови на ископ низ нерамен терен, и работа во услови на лоша или карпеста почва и нестабилни лосини. 

Reinforced Earth® се користи и за други намени кај патните конструкции: 

– Пристапни рампи за вијадукти и мостови
– Комплексни клучки на повеќе нивоа
– Конструкции на нерамен терен
– При проширување на патишта 

Поткрепени со долгогодишното искуство во изведба на коси кабли на различни видови на нови објекти, тимовите на Freyssinet развија сеопфатни решенија и услуги за одржување и репарација на сите видови на коси кабли и системи на висечки кабли. 

Целта е да се обнови иницијалната носивост на објектите, за да се надоместат недостигот на носивост поради одредени дефекти или да се обнови иницијалниот носив капацитет, особено доколку конструкцијата претпрела оштетувања предизвикани од вилјанијата на редовната употреба или некои вонредни околности. 

Нашите тимови се специјализирани за изведување на работи на одржување на преднапрегнати конструкции, заради продолжување на животниот век на напрегнатите кабли, но и нивна рапарација во услови на итност, за да се обезбеди стабилност на конструкциите во случај на сериозни оштетувања на постоечките кабли, или во случаи кога постоечкиот капацитет на носивост е неизвесен.